第53屆吐露港渡海泳圓滿舉行！

在剛剛的星期日 9月27日，第53屆吐露港渡海泳順利舉行。泳手由大埔船灣沙欄海灘起步，游向位於大美督水上活動中心嘅終點！

今年賽事吸引 710人報名，包括518名男子泳手及192名女子泳手，當中約一成為非本地泳手。參賽泳手橫跨唔同年齡，最年輕只有10歲，最年長達77歲，大家對游泳嘅熱情同拼勁同樣令人佩服！

男子組冠軍由葉丞軒以 31分31秒44 奪得；女子組冠軍李琋敏則以 34分05秒03 成功蟬聯！恭喜得獎的大家，亦向每位落水挑戰嘅泳手致敬！

多謝各位參賽者，以及所有協助同支持賽事嘅朋友。期待下屆再同大家喺吐露港見面！

當日嘅活動相片現已上載，歡迎各位參加者及支持者前往相簿瀏覽及下載，重溫比賽當日嘅精彩時刻！

https://drive.google.com/drive/folders/1zOqpeBcRcrJfWBLXiV-bRUaOFKu0GsfB?usp=sharing