本會體操運動員吳家祺係亞洲運動會男子跳馬項目中，以兩跳平均14.116分嘅成績勇奪銅牌！本會為佢嘅出色表現感到高興同自豪，並送上衷心祝賀！

為咗表揚家祺嘅努力同佳績，本會特別從高爾夫球慈善基金儲備中撥款頒發港幣一萬元獎金，以示嘉許同鼓勵。基金主要用來贊助或獎勵本會傑出運動員參與全港及全球性高水平體育賽事，支持佢哋向更高目標進發。

本會會繼續支持運動員發展，期望家祺再接再厲，喺未來賽事再創佳績，為香港同大埔爭光！

#大埔體育會 #吳家祺 #體操 #亞洲運動會 #男子跳馬 #支持運動員